你喜歡搖滾 他喜歡流行 但要聽歌聽得輕鬆自在 還是清新一點比較好 -李拾壹

李拾壹

Super Children
CW0W4633

23歲,當然是年輕人吧,不過在大哥大姐充撐着的娛樂圈來說,只是一名小朋友,不過這位叫李拾壹的小朋友,算是超班了。演藝畢業,參與《春嬌與志 明》、《低俗遊戲》等電影配樂,還有台灣歌手林宥嘉的《自然醒》,也是李拾壹的作品。「爸爸愛聽歌,尤其係英文歌,Bee Gees、Peter Paul and Mary,所以我係聽歌大嘅。中三嗰年,首次迷上一隊樂隊『System Of A Down』,少少重金屬,好正。之後到英倫搖滾同浪漫,例如Radiohead。『麻甩佬』唱情歌有自成一派嘅浪漫,我超like。」自此,李拾壹甚麼國 家音樂也聽,英國開始,美國、德國、挪威、冰島無一放過。

拾壹的品牌

真名是李志峰,李拾壹是別名,原因是中一時演校內舞台劇,角色叫拾壹,又知道要建立個人品牌,所以李拾壹就誕生了。「讀書時根本冇諗過要做咩,只知 好鍾意藝術,離唔開電影、音樂啦,中五前已經開始創作音樂,升讀演藝就認識導演,參與下電影配樂,原來,係一門高深學問。」李拾壹有首歌叫《少年圍揼的煩 惱》,MV充滿校園記憶,例如「炒芥蘭」的整蠱同學招數,諗起都痛。「其實唔可以界定我係咩歌路,因為我咩音樂都聽,之後就會將唔同音樂集合一齊,創作自 己嘅歌。總之,每種音樂都好勁,無盡頭咁學習,」

 

CW0W4668

融合地上地下

作為一個多才多藝的音樂年青人,又既然作歌給林宥嘉,又做埋電影配樂,還有甚麼想做下去?「香港近幾年好多地下音樂抬頭。其實所謂嘅地下音樂,即係 冇乜人識;入到大公司嘅,咪叫地上音樂囉,咁講大家會易明啲,不過地下音樂唔代表係污糟嘢。講到理想,當然係多人認識我啦,唔係自覺音樂好,要你哋認識 我,係因為我覺得自己係一道橋樑,我可介紹多啲人識一眾被忽略嘅地下音樂人;同時又可將流行音樂融入地下音樂,我絕對希望做到呢個中間人角色。」

Source: HMViss magazine – 你喜歡搖滾 他喜歡流行 但要聽歌聽得輕鬆自在 還是清新一點比較好 (八)
                                                                                                                                   (November 10, 2014)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: